गुरुवार, २० सप्टेंबर, २०१८

जपानी उद्योजक ठरणार पहिला चंद्र पर्यटक - २० सप्टेंबर २०१८

जपानी उद्योजक ठरणार पहिला चंद्र पर्यटक - २० सप्टेंबर २०१८

* जपानमधील धनाढय उद्योजक युसाकू मायेझवा हे स्पेस एक्स कंपनीच्या रॉकेटमधून चंद्राला प्रदक्षिणा घालणारे पहिले खासगी पर्यटक ठरणार आहे. ही माहिती कंपनीने नुकतीच दिली.

* स्पेसएक्स या अमेरिकन कंपनीचे संस्थापक एलॉन मस्क यांनी ट्विटरवर ही माहिती दिली. युसाकू हे आठ कलावंत व सांस्कृतिक क्षेत्रातील मान्यवरांसह चंद्रावर स्वारी करणार आहेत.

* अंतराळात जाण्याचे स्वप्न पाहणाऱ्या सर्वाना ते प्रत्यक्षात आणण्याची संधी यामुळे उपलब्द होणार असल्याने हे पहिले व्यवसायिक उड्डाण महत्वपूर्ण ठरणार आहे.

* युसाकू हे ४२ वर्षाचे असून हे कपड्यांची ऑनलाईन विक्री करणाऱ्या झोझोटाऊन या जपानमधील सर्वात मोठ्या कंपनीचे संस्थापक आहेत.

* २.८ अब्ज डॉलरची मालमत्ता असणारे युसाकू म्हणाले की २०२३ मध्ये आपण अंतराळ पर्यटन करणार असून आपल्याबरोबर सहा ते आठ कलाकारही या पर्यटनाचा आनंद घेतील. या पहिल्या व्यवसायिक रॉकेटमधील सर्व जागांचे आरक्षण त्यांनी केले आहे.

* युसाकू यांना घेऊन जाणारे [बिग फाल्कन रॉकेट] बीएफआर हे अजून विकासाच्या अवस्थेत आहे. सध्याच्या त्याची जी रचना साकारली आहे. त्यात या रॉकेटला २०० टन एवढी आहे. या रॉकेटला २०० टन क्षमतेची सात रॅप्टर इंजिने असतील. 

0 टिप्पणी(ण्या):

टिप्पणी पोस्ट करा

ShareThis

 

Copyright @ 2015 Clear MPSC.